كيف تقلل الندم

السلام عليكم يا رائعين  

كتير من الناس بيفكر يقدم في كلية تنافسية او منحة دراسية, وممكن يكون قلقان جدا - و بتجيهو اسئلة زي “ حيصل شنو لو بيحاول كل مرة و السنين ماشة وم بيقدر يدخل؟ و انو لو حصل كدا، هيكون قضى سنين من حياته على الفاضي و حاجات زي كدا . 

جيف بيزوس (مؤسس شركة أمازون) عنده نظام لاتخاذ القرار اسمه إطار تقليل الندم وانو عاوز يتخذ قرارات بطريقة إن لما يكون عمره 80 سنة مثلا ويرجع لورا و يتذكر ، يكون عنده أقل ندم ممكن. 

في حالة جيف، الإطار ده خلا عندو الدافع انو يترك وظيفته في صندوق استثماري مربح جدا في وقتها ويبدأ يعمل مكتبة على حاجة اسمها الإنترنت. فكرة غير منطقية في الوقت داك .. و حرفيا لو م عمل كدا، كان هيندم طول عمرو لانو م حاول اساسا. 

بحب جدا أفكر في الفكرة دي لما أتخذ قرارات، بس في جوانب تانية مهمة لتقليل الندم ممكن نسميها مبدأ الفوز-فوز. 

 او كما يحب اهل اللغة الانجليزية WIN – WIN Situation  

مبدأ الفوز-فوز بيقول إنه كل مرة نحاول فيها حاجة جديدة أو مجازفة ما ، لازم اننا نضع في اعتبارنا إننا نفوز دائما حتى لو خسرنا ظاهريا . مثلا كثير من صناع المحتوى و الفيديوهات عملو كدا لما بدأو. حتى لو الفيديوهات م نجحت، هم كانو "فازو" لأنهم تعلمو مثلا إنتاج صوت والمونتاج و تفاصيل تانية كتيرة   

انت تقدر تطبق مبدأ الفوز-فوز على مشكلتك مثلا في التقديم لكلية تنافسية او منحه. أول خطوة، طبعًا، لازم تعمل كل حاجة تقدر عليها عشان تزيد فرصه قبولك مثلا (درجات حلوة، قراءة حول الموضوع، تجربة عملية، أنشطة إضافية، إلخ). وبعدين حتى لو ما دخلت الجامعة الحابيها او المنحة دي  انت حتكون جربت تشتغل على مشاريعك الشخصية، وعرفت اكتر ونميت مهاراتك و عملت شهادات حتنفعك على المستوى الشخصي قبل الوظيفى و حاجات كتيرة ما كنت حتتخيل اصلا انك كنت حتعملا.  

ف دايما اعمل الحاجة بفهم انك حتى لو ما اتوفقت فيها و اتحققت .. انت استفدت بالاضافة لشغلك على الهدف الاساسي انت فعلا نميت نفسك و اكتسبت مهارات جديدة .. ف خليك مركز انك تطلع بالحاجتين مع بعض .. ووقتها على اسوء الفروض انت ما زلت فائز  

الطريقة دي في التفكير بتخلي معظم القرارات اللي فيها مخاطر تبقى أقل مخاطرة. دايمًا نقدر نلاقي وسيلة نحول هذه الخسارة لتجربة تعلم فريدة جدا. ولو عملنا كدا باستمرار، قد نكتشف حتى إن "الفشل" اللي بيظهر لينا وقتها هو في الحقيقة وفر لينا فرص لنجاحات أكبر في الحياة. 

دمتم في امان الله  

#خطوة_خطوة_بنمشي_ميل 

Ahmed Omer - احمد عمر 

للمزيد من التفاصيل الرائعة زورو موقعنا 
https://ahmedomer.net/productivity

او منصتنا على تلغرام 

https://t.me/Dr_Ahmed_Omer/568